ارقى شباب على النت

الدندراوي يرحب بك زائرنا الكريم
وهدفنا هو رضائكم





انضم إلى المنتدى ، فالأمر سريع وسهل

ارقى شباب على النت

الدندراوي يرحب بك زائرنا الكريم
وهدفنا هو رضائكم



ارقى شباب على النت

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
ارقى شباب على النت

عام


+2
أبو علي
شروق
6 مشترك

    أشهي اكلات عيد الاضحي المبارك من شروق

    شروق
    شروق
    مراقب عام
    مراقب عام


    أشهي اكلات عيد الاضحي المبارك من شروق  Qatarw.com_378500351



    أشهي اكلات عيد الاضحي المبارك من شروق  Qatarw.com_178691187


    عدد المساهمات : 1665
    نقاط : 2372
    السٌّمعَة : 111
    تاريخ التسجيل : 06/11/2010

    أشهي اكلات عيد الاضحي المبارك من شروق  Empty أشهي اكلات عيد الاضحي المبارك من شروق

    مُساهمة من طرف شروق الجمعة نوفمبر 04, 2011 1:14 pm

    السلام عليكم ورحمة الله وبركاته




    اشهى اكلات عيد الاضحى المبارك




    أولا: كل سنة وكل المسلمين في مشارق الأرض ومغاربها طيبين




    ويا رب يكون عيد سعيد على كل الناس...




    طبعا كلنا عارفين إن عيد الاضحي هو عيد اللحمة، علشان كده





    هاقدم لكم النهارده مجموعة متنوعة من الأكلات المناسبة لعيد





    الأضحى المبارك...





    الفتّة اللذيذة




    أشهي اكلات عيد الاضحي المبارك من شروق  3_1167461736



    أكيد العيد مش هيكون عيد من غير طبق الفتة اللذيذ ودي أحسن



    طريقة لعمل الفتة..



    المقادير:




    • كيلو لحم ضأن مقطع بالعظم ويا ريت يكون "لحم الكتف".



    • نص كيلو رز.



    • ماء ساخن.



    • بصلة كبيرة ومقطعة قطع صغيرة.



    • 2فص حبهان.



    • ملعقة قرنفل.



    • 6فصوص ثوم مهروس.



    • رغيف خبز محمص.



    • نصف ملعقة صغيرة مبشور جوزة الطيب.



    • عود قرفة.



    • ورقة لاورا.



    • ملح.



    • كوباية كبيرة عصير طماطم.



    • ملعقة كبيرة سمن.



    • ملعقة كبيرة صلصة طماطم.



    • ملعقة خل أبيض.



    الطريقة:



    1. هنسلق اللحمة الضاني ونضيف ليها عند السلق بصلة وورقة



    لاورا وفص حبهان وملعقة القرنفل والملح ونسيبها لغاية ما تستوي.



    2. أثناء ما اللحمة بتستوي هنجيبِ الأرز ونغسله وبعد كده نجيب



    الصينية اللي هنعمل فيها الأرز ونحط فيها ملعقة ونصف سمنة وبعد



    كده نضيف ليها الرز ونقلبه على النار لمدة خمس دقائق بعد كده



    نجيب ميه ونضيف ليها شوية ملح ونضيفها للرز ونسيبه على نار



    هادية لغاية ما يستوي.



    3. هنجيب بصلة ونقطعها قطع صغيرة ونحمرها في السمنة لغاية



    ما نلاقي لونها بدأ يميل إلى اللون الأصفر نضيف ليها التوم مع



    التقليب لما نلاقيهم لونهم بدأ يكون ذهبي نضيف ليهم كوب عصير



    الطماطم والصلصة ونسيبهم على نار هادئة لمدة 10 دقائق،



    ونضيف ليهم شوية شوربة ونسيبهم على النار لمدة ربع ساعة.



    4. بعد كده هنجيب الصينية ونقطع فيها الخبز ونضيف ليه شوربة



    اللحمة ونسيبهم لمدة عشر دقائق علشان العيش يتشرب من الشوربة.



    5. هنجيب طبق كبير ونحط فيه الأرز والخبز ونحط فوقهم



    الصلصة اللي عملناها ومن فوقها اللحمة...




    وبالهنا والشفا




    لحمة ضانى مشوية



    أشهي اكلات عيد الاضحي المبارك من شروق  9501_1197824123





    لحمة ضاني مشوية




    المقادير:



    • لحمة ضاني مقطعة مكعبات متوسطة الحجم أو "ريش".



    • كوب كبير عصير طماطم.



    • ملعقة صغيرة فلفل أسود.



    • ملعقة صغيرة شطة حمراء ناعمة.



    • 10 فصوص ثوم.



    • ملعقة كبيرة خل أبيض.



    • ملعقة كبيرة كمون مطحون.



    • 1 حبة جوزة الطيب مبشورة ناعم.



    • 1 بصلة كبيرة.



    • فلفل رومي أخضر.



    • نص فنجان زيت.



    الطريقة:




    1. هنجيب اللحمة ونغسلها كويس.



    2. هنجهز تتبيلة اللحمة وهي عبارة عن "الزيت + الخل + الكمون



    + جوزة الطيب + البصلة + عصير الطماطم + الفلفل الأسود +



    الفلفل الأخضر + الثوم + الشطة" ونضربهم مع بعض في الخلاط.



    3. بعد كده هنجيب صينية وندهنها بالخليط ده وبعد كده نبدأ في



    رص اللحمة في صورة طبقات وبين كل طبقة وطبقة نحط خلطة



    التتبيل...



    4. بعد ما نخلص من رص اللحمة نحطها وخليط التتبيل في التلاجة



    لمدة 3 ساعات، بعد كده نخرجها ونشويها على الشواية الكهرباء أو



    الفحم...




    وبالهنا والشفا



    فخد ضاني في الفرن مع أرز بالخلطة



    أشهي اكلات عيد الاضحي المبارك من شروق  Beans8




    المقادير:



    • فخدة ضاني.



    • كيلو فلفل رومي أحمر.



    • 4علب زبادي.



    • 5معالق صغيرة خل تفاح.



    • كيلو رز.



    • كوباية كبيرة زيت.



    • 2 ملعقة كبيره ملح.



    • 2ملعقة كبيرة عسل أبيض.



    • 2ملعقة كبيرة بهارات.



    • ملعقة صغيرة كاري.



    • نصف كيلو بندق.



    • كوباية كبيرة ماء.



    • فلفل أصفر وأخضر مقطع قطعا صغيرة.



    • ملعقة صغيرة فلفل أسود.



    • قطعتان فحم.



    الطريقة:



    1. هنجيب الفخدة ونعمل فيها فتحة كبيرة بالسكين، بعد كده نتبل



    الفخدة بمزيج الخليط الآتي" الزبادي والملح والعسل والخل



    والبهارات والفلفل الأسمر"...



    2. بعد ما نتبل الفخدة بالخليط ده نحطها في الثلاجة لمدة يوم بعد كده



    نطلعها من التلاجة ونجيب الفلفل الرومي الأحمر ونقطعه إلى قطع



    صغيرة ونحشيها بيه، بالإضافة إلى باقي الخليط المنقوع فيه



    الفخدة...




    3. نحطها في الفرن وندهنها بالزيت ونسيبها في الفرن لمدة ساعة



    أو ساعة ونصف أو لغاية ما لونها يبقى أحمر وتستوي...



    5. بعد كده نسخّن قطعتين الفحم على النار لغاية لونهم ما يبقى أحمر



    ونحطهم على الفخدة وهي سخنة ونغطي عليها علشان تحتفظ



    برائحة الفحم علشان تدي مذاق ورائحة رائعة.



    6. نصفّي الصوص النازل من الفخدة ونضيفه إلى الرز على النار



    ونقلب كويس وبعد كده نضيف إليهم كاري وملح ومية وبندق ونقلبهم



    على نار هادية لمدة ربع ساعة أو لغاية ما نلاقي الرز استوى.



    7. هنجيب الفخدة ونقطعها شرائح ونقدمها في طبق مع الرز ونرش



    من فوق شوية ملح وفلفل أخضر وأصفر للتجميل.



    وبالهنا والشفا



    صينية الرقاق بالبشاميل



    أشهي اكلات عيد الاضحي المبارك من شروق  391238




    ودي كمان أكلة بسيطة ممكن إننا نعملها في العيد



    المقادير:



    • نصف كيلو رقاق.



    بصلة مقطعة قطع صغيرة.



    • نص كيلو لحمة مفرومة.



    • نص كوب كبير زبدة.



    • نص كوب كبير دقيق.



    • 4 كوبيات لبن.



    • ملح و فلفل.



    • 2بيضة.



    • كوب كبير شوربة لحمة.



    الطريقة:



    1- هنعصج اللحمة المفرومة عن طريق إننا نقطع بصلة كبيرة إلى



    قطع صغيرة بعد كده نضيف ليها الملح والفلفل الأسود واللحمة



    ونحطهم على النار ونضيف ليهم معلقة زبدة ونسيبهم على النار مع



    التقليب المتسمر وبعد نص ساعة نضيف ليها كوباية مية ونسيبها



    على النار لغاية ما اللحمة تشرب المية وتستوي.




    2- بعد كده هنجهز البشاميل عن طريق إننا نسخن الزبدة ونضيف



    ليها الدقيق مع التقليب لغاية ما لون الدقيق يبقى ذهبي بعد كده



    نضيف ليه اللبن تدريجيا مع التقيب المستمر لغاية ما يبقى قوامه



    سميك بعد كده نضيف ليه الملح والفلفل الأسود بعد كده نشيله من



    على النار وبعد ما يبرد نجيب بيضة ونحطها في طبق ونضربها



    بالمضرب مع الملح والفلفل وبعد كده نضيفها إلى البشاميل ونقلبهم



    مع بعض.



    3- هنجيب الرقاق ونبلّه بالشوربة السخنة "ممكن إننا نستبدل



    الشوربة بالمية" علشان يكون خفيف.



    4- هنجيب صينية فرن وندهنها بالزبدة ونرص فيها نص كمية



    الرقاق الموجود عندنا ونضيف ليها اللحمة وبعد كده نص كمية



    البشاميل وبعد كده نرص باقي كمية الرقاق الموجودة، بعد كده



    نغطي وش الصينية بباقي كمية البشاميل الموجود عندنا.



    5- هندخل الصينية في فرن متوسط الحرارة لمدة نص ساعة أو



    لغاية ما وشها يحمر بعد كده نخرجها من الفرن ونقطعها.




    صينية اللحم في الفرن



    أشهي اكلات عيد الاضحي المبارك من شروق  1133640444269



    المقادير:



    • كيلو لحمة.



    • 3 بصلات مقطعة شرائح.



    • 3 حبات طماطم مقطعة شرائح.



    • 3 فصوص ثوم مطحونين.



    • ملح -كمون-ك***ة-فلفل أسود



    • عود قرفة.






    الطريقة:



    اخلطي اللحمة مع الثوم والبهارات



    والملح بعد كده حطي في الصينية طبقة من شرائح البصل



    ثم طبقة من شرائح الطماطم



    وبعد كده حطي اللحمة عليها



    ثم باقي شرائح البصل والطماطم،



    وبعد كده غطي الصينية بالورق الحراري



    وحطيها في الفرن على نار هادية لمدة ساعة



    أو لغاية ما تحسي إنها استوت..



    وبألف هنا وشفا.



    موزة بالفريك



    أشهي اكلات عيد الاضحي المبارك من شروق  39




    المقادير :



    • نصف كيلو لحم موزة خال من العظم.



    • نصف كيلو فريك.



    • نصف ملعقة صغيرة مبشور جوزة الطيب.



    • ربع ملعقة صغيرة فلفل.



    • 2 ملعقة كبيرة سمن.



    • بصلة.



    • عود كرفس.



    • فص حبهان.



    • مكسرات محمرة.



    • طماطم مشوية.



    الطريقة




    اسلقي الموزة



    وضيفي إليها أثناء السلق بصلة مقطعة أربع تربع



    وعود كرفس وفص حبهان



    قبل ما اللحمة تستوي بشوية ضيفي إليها الملح



    لما تلاقي اللحمة استوت شيليها من "الشوربة"



    وحطيها في مصفة..



    في الفترة اللي فيها اللحمة بتستوي



    هاتِ الفريك ونقيه وبعد كده انقعيه في شوية ميه



    بعد كده هاتِ صينية وحطيها على النار



    وضيفي إليها شوية سمنة والفريك



    وقلبي الفريك في السمنة لمدة خمس دقائق



    بعد كده ضيفي إليه الشوربة



    وشوية بهارات وملح



    وسبيه على نار هادئة لغاية ما يستوي.







    بعد كده رشي على لحم الموزة المسلوقة شوية بهارات
    وملح وحمريها في السمنة.




    بعد كده حطي الفريك في طبق التقديم
    وحطي فوقه اللحمة المحمرة
    وللتجميل شوية مكسرات
    والطماطم المشوية على جانب الطبق


    _________________

    أشهي اكلات عيد الاضحي المبارك من شروق  Qatarw.com_868087518

    أشهي اكلات عيد الاضحي المبارك من شروق  161
    أبو علي
    أبو علي
    مدير عام


    أشهي اكلات عيد الاضحي المبارك من شروق  Qatarw.com_1387310982
    عدد المساهمات : 396
    نقاط : 839
    السٌّمعَة : 20
    تاريخ التسجيل : 28/04/2011

    أشهي اكلات عيد الاضحي المبارك من شروق  Empty رد: أشهي اكلات عيد الاضحي المبارك من شروق

    مُساهمة من طرف أبو علي الجمعة نوفمبر 04, 2011 2:41 pm

    وعليكم السلام ورحمة الله وبركاته
    وإنتي طيبة يا أختنا العزيزة شروق وجميع من بالمنتدى الحبيب
    وبعد،
    ما أجملها أكلات
    تسلم إيديكي ياشروق فتحتي شهيتنا وخلتينا ننتظر يوم العيد بلهفة مضاعفه
    وآدي الحاجة الساقعه علشان تهضم
    أشهي اكلات عيد الاضحي المبارك من شروق  Qatarw.com_183854039
    أشهي اكلات عيد الاضحي المبارك من شروق  Qatarw.com_1546956475
    أشهي اكلات عيد الاضحي المبارك من شروق  Qatarw.com_861046121


    وعصير للي مبيحبش الحاجة الساقعه
    أشهي اكلات عيد الاضحي المبارك من شروق  Qatarw.com_254485964

    وطبعاً ماننساشي الشاي أهم شيئ
    أشهي اكلات عيد الاضحي المبارك من شروق  Qatarw.com_450656403
    أشهي اكلات عيد الاضحي المبارك من شروق  Qatarw.com_56937917
    أشهي اكلات عيد الاضحي المبارك من شروق  Qatarw.com_1009794186


    _________________
    أشهي اكلات عيد الاضحي المبارك من شروق  Qatarw.com_39346587
    الدندراوي
    الدندراوي
    مدير عام


    أشهي اكلات عيد الاضحي المبارك من شروق  Qatarw.com_569275862
    عدد المساهمات : 1508
    نقاط : 2160
    السٌّمعَة : 87
    تاريخ التسجيل : 24/10/2010
    العمر : 50
    الموقع : الكويت

    أشهي اكلات عيد الاضحي المبارك من شروق  Empty رد: أشهي اكلات عيد الاضحي المبارك من شروق

    مُساهمة من طرف الدندراوي الجمعة نوفمبر 04, 2011 4:27 pm

    أشهي اكلات عيد الاضحي المبارك من شروق  68e6b9d76d


    _________________
    أشهي اكلات عيد الاضحي المبارك من شروق  Qatarw.com_1915556392
    ابوسيف
    ابوسيف
    عضو مميز
    عضو مميز


    أشهي اكلات عيد الاضحي المبارك من شروق  Qatarw.com_1340359021
    عدد المساهمات : 286
    نقاط : 315
    السٌّمعَة : 17
    تاريخ التسجيل : 29/04/2011
    العمر : 50

    أشهي اكلات عيد الاضحي المبارك من شروق  Empty رد: أشهي اكلات عيد الاضحي المبارك من شروق

    مُساهمة من طرف ابوسيف السبت نوفمبر 05, 2011 4:37 pm

    ياريت تحجزولى
    صينية الرقاق بالبشاميل من اختنا الفاضلة/ شروق
    والعصير من الاخ الفاضل ابو على
    وكل عام وانتم جميعا بخير
    محمدعلى الخضرى
    محمدعلى الخضرى
    مشرف عام القسم الاسلامي
    مشرف عام القسم الاسلامي


    أشهي اكلات عيد الاضحي المبارك من شروق  Qatarw.com_1111519285
    عدد المساهمات : 346
    نقاط : 512
    السٌّمعَة : 15
    تاريخ التسجيل : 15/11/2010

    أشهي اكلات عيد الاضحي المبارك من شروق  Empty رد: أشهي اكلات عيد الاضحي المبارك من شروق

    مُساهمة من طرف محمدعلى الخضرى الأحد نوفمبر 06, 2011 11:23 am

    بجد تسلم الايادى من اختنا الفاضله
    شروق شمس المنتدى
    وكل عام والجميع بخير وصحه وسلامه
    بس فى حاجه هنا
    اللى مبيحبش الضانى ملوش نصيب يعنى ولا ايه
    الولد الشقي
    الولد الشقي
    عضو مميز
    عضو مميز


    أشهي اكلات عيد الاضحي المبارك من شروق  Qatarw.com_1891235356
    عدد المساهمات : 220
    نقاط : 318
    السٌّمعَة : 13
    تاريخ التسجيل : 23/11/2010

    أشهي اكلات عيد الاضحي المبارك من شروق  Empty رد: أشهي اكلات عيد الاضحي المبارك من شروق

    مُساهمة من طرف الولد الشقي الأحد نوفمبر 06, 2011 2:25 pm

    والله يا شروق انا وحشني اكلك
    تسلم ايدك يا اختنا الغاليه
    شروق
    شروق
    مراقب عام
    مراقب عام


    أشهي اكلات عيد الاضحي المبارك من شروق  Qatarw.com_378500351



    أشهي اكلات عيد الاضحي المبارك من شروق  Qatarw.com_178691187


    عدد المساهمات : 1665
    نقاط : 2372
    السٌّمعَة : 111
    تاريخ التسجيل : 06/11/2010

    أشهي اكلات عيد الاضحي المبارك من شروق  Empty رد: أشهي اكلات عيد الاضحي المبارك من شروق

    مُساهمة من طرف شروق الإثنين نوفمبر 07, 2011 12:01 am

    تسلموا وتعيشوا ليه جميعا يا اغلى الاصدقاء

    اشكركم كلكم ذوء ويارب ينعاد العيد علينا جميعا

    ولا ينقص منا احد وكل عام وانتم فى اسعد حال


    _________________

    أشهي اكلات عيد الاضحي المبارك من شروق  Qatarw.com_868087518

    أشهي اكلات عيد الاضحي المبارك من شروق  161

      الوقت/التاريخ الآن هو الثلاثاء ديسمبر 07, 2021 2:02 pm