الرئيسية
ياريتك تكوني فكراني
ياللي هجرك مابينتهيش
قوليلي بعدك إزاي أعيش
قوليلي أعمل إيه في قلبي
إزاي أداري وأخبي حبي
وإزاي بهجرك عيني ماتفضحنيش
هوفيه شجرمن غيرفروع؟
فيه حجرمش من جبل مقطوع؟
فيه بلح مش فوق نخيل مرفوع؟
فيه خمرمش من عنب منقوع؟
فيه فراق من غيردموع؟
فيه عاشق قلبه مش موجوع؟
فيه بحرمن غيرأمواح؟
فيه مرض مالهوش علاج؟
فيه سجن من غيرسياج؟
فيه ملك مش فوق راسه تاج؟
فيه أنامن غيرك؟
هوامافيهوش عبيرك؟
فيه قلبي من غيرحبك؟
فيه عيني ماتشوفشي صورتك؟
فيه سمعي من غير همسك؟
أناالفروع وإنتي الشجر
أناالجبل وقلبك حجر
أناالنخيل كنتي فيه البلح
أناالليل وإنتي فيه الفرح
أناالعنب وإنتي خمري
أناالعين وإنتي سهري
أناالحب وإنتي مشاعري
أناالبحروإنتي أمواجي
أناالملك وإنتي بالحب تاجي
أناالجرح وإنتي علاجي
أناالأرض وإنتي زرعي
أناالحنين وإنتي مواجعي
أناالغريب وإنتي وطني
أناالساكن وقلبك سكني
أناالموال وإنتي فيه شجني
أناالسجين وحبك سجاني
ياللي فرقتك وجعاني
سامعةدقات قلبي؟
سامعاني؟
لفين وياكي وخداني؟
لإمتي أناوقلبي هنعاني؟
بش ياريته كلامي يوصلك
يقدرعن شوقي يعبرلك
بس ياريتك
تكوني ياحبيبتي فكراني
