موقف طريف فى حياتك

من المواقف الطريفة فى حياتى
عندما كنت اسير مع عبدالحى ( الدندراوى ) فى الشوارع
طبعا هو طويل القامة وانا يعنى متوسط الطول
لكن بالنسبة له قصير جدا فكنت اتعمد لبس حذاء عالى
فكنت اشعر بخيبة امل عندما ينظر الناس إلينا

موقف فعلا اضحك كل من راه
كنا في المطار امس الساعه اتنين باليل رحنا نوصل واحد صديقنا
والمفروض انه يوزن شنطتين لا يزيد وزنهم عن اربعين كيلو وشنطه في ايده لا تتعدى سبعه كيلو

طبعا صديقنا من وجه بحري المهم راح على الكونتر لقى عنده تمانية كيلو زياده وكان حاطط في الهاند باج بتاعته كلها صابون
المهم طلع من الشنطتين تمانيه كيلو وحطهم في الهاندباج
راح يعدي من كاونتر الدخول وزنو الهاندباج طلع فيها زياده تمانيه كيلو قالولو لازم ترجعهم
المهم صاحبنا رجعلنا ونفتح الشنطه لقينا كل الملابس اللي فيها ملابس لامه واخواته البنات
رحنا اخدنا صاحبنا على جنب ولبسناه كل الملابس الحريمي ولبس فوقهم جلابيه رجالي
ومن سوء الحظ كان فيهم عبايه حريمي سوده طويله شويه ظهرت من تحت جلابيته واتاري الضابط اللي على كاونتر المرور شايفنا واحنا بنلبسه
واول ما وصل عنده قالو وديت الزياده فين قالو رجعتهم واتاري الضابط بيصور المنظر من بعيد راح شغلو مقطع الفيديو وخلاه شاف نفسه وهو لابس العباءه الحريمي وكان موقف يهلك من الضحك احنا بصراحه خدنا الطريق كلها واحنا راجعين مش ماسكين نفسنا من الضحك والمهم ان الضابط فضل يضحك لما داخ من الضحك وعداه

ايه الحلاوه دى ياعبده



طالع لاخوك دمك خفيف


عارف ليه



من يوم ماشربنا ميه كتيره ودمنا خفيف

بس اوعى تقول لحد اننا اخوه



انا اسمى ابو يارا وهو ابو محمد مفيش اى صله قرابه بينا وشوفوا الاسم

كنا فى صلاة الجمعه وكان الخطيب عليه رحمة الله يشرح للناس معنى السجود ولو فيه ايه قرأنيه فيها سجده كيف يسجد المصلى وماذا يقول وبعد الانتهاء من الخطبه وفى الركعة الاولى قرأ الفاتحه واحدى الايات التى تحتوى على السجده وسجد من عرف وركع من لا يعرف والبعض الاخر اخذ يهلل الله اكبر واذا بأحد المصلين يرحمه الله وقف بين السجود والركوع وقال بصوت عالى نرقد ولا نقوم انطلق الضحك من المصلين
رحم الله الاثنين