اخواتي الاعزاء
اهديكم هذة الكلمات الي كل من يحب ويعشقك ام كلثوم
ياريت تنول اعجابكم
الف ليله وليله
يا حبيبي .. الليل وسماه .. ونجومه وقمره وسهره
وإنت وأنا .. يا حبيبي أنا .. يا حياتي أنا
كلنا في الحب سوا .. والهوى .. آه منه الهوى
سهران الهوى .. يسقينا الهنا .. ويقول بالهنا
يا حبيبي .. يالله نعيش في عيون الليل
ونقول للشمس تعالي بعد سنة .. مش قبل سنة
دي ليلة حب حلوه بألف ليلة وليلة
بكل العمر .. هو العمر إيه غير ليلة زي الليلة
* * *
إزاي أوصف لك يا حبيبي إزاي .. قبل ما أحبك كنت إزاي
كنت ولا امبارح فاكراه .. ولا عندي بكره أستناه
ولا حتى يومي عايشاه
خدتني بالحب في غمضة عين .. وريتني حلاوة الأيام فين
الليل بعد ما كان غربة مليته أمان
والعمر اللي كان صحرا صبح بستان
يا حبيبي .. يالله نعيش في عيون الليل
ونقول للشمس تعالي بعد سنة .. مش قبل سنة
دي ليلة حب حلوه بألف ليلة وليلة
بكل العمر .. هو العمر إيه غير ليلة زي الليلة
* * *
يا حبيبي إيه اجمل م الليل واتنين زينا عاشقين
تايهين ما احناش حاسين العمر ثواني والا سنين
حاسين اننا بنحب وبس
عايشين لليل والحب وبس
يا حبيبي الحب حياتنا وبيتنا وقوتنا
للناس دنيتهم واحنا لنا دنيتنا
وإن قالوا عن عشاقه بيدوبوا في نار أشواقه
أهي ناره دي جنتنا
الحب عمره ما جرح .. ولا عمر بستانه طرح
غير الهنا وغير الفرح
يا حبيبي يالله نعيش في عيون الليل
ونقول للشمس تعالي بعد سنة .. مش قبل سنة
دي ليلة حب حلوه بألف ليلة وليلة
بكل العمر .. هو العمر إيه غير ليلة زي الليلة