الرئيسية
عاوزه رئيس
************
عاوزه رئيس .. بس مفصّل
دمه خفيف .. مصرى مأصّل
يركب جنبى .. ف الأتوبيس
ياكل فول .. بعد التدميس
عاوزه رئيس
لما تشوفه
تشعر انك .. شايف أبوك
وأما تحط أيديك على قلبه
تعرف إن عروقه ونبضه
بيحبوك
***
عاوزه رئيس يسهر ليلى
يسمع صوتى من مواويلى
لجل ولادى .. يطهّر نيلى
***
عاوزه رئيس من بين الناس
من غير مزيكه وحُرّاس
احرس أرضه برمش عيونى
وولادى جنبى .. يساعدونى
أب لكل المصريين
أخ لكل الشرقيين
محكوم .. بالدين .. والقوانين
لا تهمه أمريكا وروسيا
ولا صهيون .. ولا زفت الطين
***
عاوزه رئيس ما يخوفنيش
إن حبتيه .. مايكرهنيش
وان سبِّيته .. يسيبنى أعيش
مش دراكولا .. ما يرحمنيش ؟
***
عاوزه رئيس عاشق مصره
حاكم عصره .. ساكن قصره
لكن قلبه .. جوه العِشه
ويّا الغلبانة البدويه
جوه الخُص
ويّا الفلاحة المصرية
***
عاوزه رئيس ينهض بينا
ويعدينا من الحرمان
عاوزه رئيس يعمَّر سينا
ويخلينا نعيش ف أمان
رسمه عروقه خريطة مصر
راسم خطة لأعظم عصر
بينا لعهد النهضة يعود
***
عاوزه رئيس .. مش ف القايمة
لكن حتى ف الأحلام
مش موجود
************
عاوزه رئيس .. بس مفصّل
دمه خفيف .. مصرى مأصّل
يركب جنبى .. ف الأتوبيس
ياكل فول .. بعد التدميس
عاوزه رئيس
لما تشوفه
تشعر انك .. شايف أبوك
وأما تحط أيديك على قلبه
تعرف إن عروقه ونبضه
بيحبوك
***
عاوزه رئيس يسهر ليلى
يسمع صوتى من مواويلى
لجل ولادى .. يطهّر نيلى
***
عاوزه رئيس من بين الناس
من غير مزيكه وحُرّاس
احرس أرضه برمش عيونى
وولادى جنبى .. يساعدونى
أب لكل المصريين
أخ لكل الشرقيين
محكوم .. بالدين .. والقوانين
لا تهمه أمريكا وروسيا
ولا صهيون .. ولا زفت الطين
***
عاوزه رئيس ما يخوفنيش
إن حبتيه .. مايكرهنيش
وان سبِّيته .. يسيبنى أعيش
مش دراكولا .. ما يرحمنيش ؟
***
عاوزه رئيس عاشق مصره
حاكم عصره .. ساكن قصره
لكن قلبه .. جوه العِشه
ويّا الغلبانة البدويه
جوه الخُص
ويّا الفلاحة المصرية
***
عاوزه رئيس ينهض بينا
ويعدينا من الحرمان
عاوزه رئيس يعمَّر سينا
ويخلينا نعيش ف أمان
رسمه عروقه خريطة مصر
راسم خطة لأعظم عصر
بينا لعهد النهضة يعود
***
عاوزه رئيس .. مش ف القايمة
لكن حتى ف الأحلام
مش موجود